Urzainkiko (Nafarroa) sutea azkenetan dago, Nafarroa larrialdi zerbitzuek jakinarazi dutenez. Garrak egonkorturik daude, eta suteak «hobera» egiten du; horrek modua eman du itzaltze lanetan dabiltzan langileen kopurua murrizteko.

Lurreko bi brigada eta helikoptero bidez garraiaturiko beste bat aritu ziren atzo garrak itzali nahian. Nafarroako Gobernuaren bi helikoptero ere aritu ziren sutea lan horietan. Sutan zegoen «motzondo bat edo beste» itzali baino ez dute egin behar izan suhiltzaileek, eta atzo suak ez zuen «aldaketa nabarmenik» izan.

Atzo gauean brigada bat aritu zen zaintza lanetan inguruan, eta sua laster erabat itzalita egotea espero da.

Continúan las labores de extinción del incendio de #Urzainki, que se mantiene estabilizado.

Brigadas de los parques de #Cordovilla, #Tafalla y #Sangüesa trabajan por tierra en la zona para controlar puntos calientes con el apoyo de tres medios aéreos

🚁🚁🚁@mitecogob pic.twitter.com/4rGJLCxjOP

— Bomberos y Bomberas – Suhiltzaileak (@bomberos_na) August 23, 2026

Kontrolatzeko lanak eman ditu suteak, tximistak iristeko eremu zail batean piztu zuelako sua, komunikazio zaileko leku batean —Gazpar haitzaren inguruan, Izaba, Garde eta Urzainkiko lurren artean, ekialdera—. Abuztuaren 14an atzeman zuten sutea.

Asteburu horretan bertan kontrolpean hartu zuten, baina abuztuaren 20an sugarretan ziren enbor batzuk eta harkaitz batzuk jausi ziren maldan behera, eta berriz piztu zuten sua, lehen sutea baino beherago. Suhiltzaileek eta eskualdeko boluntarioek aste osoan egin dituzte sua kontrolatzeko lanak, eta larunbatean lortu zuten egonkortutzat jotzea.