Olga Patiño urtarrilaren 7an zendu zen, Nafarroako Unibertsitate Ospitalean. Eutanasia egin zioten. Familiak eskertu egin du prozesu osoan jasotako babesa, baina salatu du erietxez mugitu behar izan zutela haren borondatea bete ahal izateko, San Joan Jainkoarena ospitalekoek ez baitzioten egin nahi izan.

Artxila eskalada taldeak 2020ko abenduan ireki zuen rokodromoa, Beran. 60 bazkidek osatzen dute taldea, baina itxaron zerrenda dute sartzeko. Eskalada eskualdean zabaltzeko lanean ari dira.

Nor kolektiboak dokumental bat egin du animalien askapenerako mugimenduaren historiari buruz, Linas Korta zuzendariarekin batera. Iruñeko Katakraken emango dute bihar, 18:00etan.

Errigoraren bultzadaz sortutako Agerraldia egitasmoak egutegi zabala prestatu du hasi berri den urterako. Proiektu horren bitartez, Nafarroako erdialdean eta hegoaldean euskararen ezagutza zabaldu, erabilera handitu eta aldeko jarrera indartu nahi dute. Eremu askotan eragiten dute.

Maria Lizarraga eta Iñigo Gutierrez euskal presoen alaba Izadik 3 urte beteko ditu laster, eta espetxetik atera beharko du. Familiak jakin du Gutierrezi 3. gradua eman diotela, eta Lizarraga Euskal Herriratu egingo dutela.

‘Gu beti hemen, lehenengo lerroan’ lelopean antolatu dute; Fefa Vila Nuñez da komisarioa. Kondestablearen jauregian da, hilaren 30era arte.