Zaldi gaineko zezenketari baten aurka salaketa jarri du Gurelur elkarteak, Itzako Zia herriko zelai batean lau zaldi utzita edukitzeagatik. Elkartearen arabera, azken hilabeteetan abereak utzita zeuden, eta oso argal daude. Batzuek, gainera, apoak oso gaizki dituzte, eta mugitzeko arazo “larriak” dituzte. Gurelurrek ohartarazi duenez, zelaian zituzten bizi-baldintzen eraginez, bi moxal hil dira. Salaketaren bitartez, jabeari animaliak izateko eskubidea kendu nahi diete.