Sexu askapenerako egunaren harira, manifestazioa egingo du bihar Ekainak 28 plataformak, 12:00etan, Vianako printzearen plazatik. Plataformak salatu du lesbiana, gay, transexual eta bisexualen kolektiboak hainbat eraso pairatu dituela, hala nola Hezkuntzaren Kalitatea Hobetzeko Lege Organikoa. Horrez gain, landa eremuko gay, lesbiana eta transexualei elkartasuna adierazi nahi diete aurten. “Askotan diskriminazio pairatzen dutelako, eta hainbatetan hiri handietara joatera behartuta ikusten dutelako euren burua”.