Iruñeko Udaltzaingoak jakitera eman duenez, lau gizon atxiotu dituzte asteburuan, indarkeria matxista egotzita. Hiriburuko San Jorge auzoan atxilotu zuten lehenbizikoa, ortziral arratsaldean: bikotekideari eraso egitea leporatuta atxilotu zuten, poliziak erran duenez.
Larunbatean, berriz, bi gizon atxilotu zituzten. Arrotxapean lehenbizikoa: tratu txarren delitua leporatuta, bikotekideari kalean eraso egiteagatik. Gauerdian atxilotu zuten bigarrena, hiriaren erdigunean; sexu eraso delitua egotzi zioten, emazteki bati ukituak egiteagatik.
Atzo arratsaldean bertze gizon bat atxilotu zuten, emakume batekin zuen urruntze agindua urratzeagatik.