Ez da ohiko musikaria Maite Arroitajauregi Mursego. Eibarko (Gipuzkoa) artistak musikarekin jolastea maite du. Arroitajauregik berak aitortu duenez, ez dio garrantzirik ematen entzule kopuruari; kontzertuetara joaten direnak bere jokoan parte hartzeko prest egoteari bai, ordea. Ostegunean, 20:30ean, iragan urtean kaleratutako Hiru diskoa aurkeztuko du Iruñeko Alde Zaharrean, bertako Erraldoien Txokoan.