Olinpiar Jokoek markatu dute kirolarien urtea. Aimar Olaizola, Naiara Diez eta Ioseba Fernandezentzat, berriz, agurraren urtea izan da aurtengoa. Cesar Azpilikueta futbolaria eta Osasuna ere nabarmendu dira.
Nafarroa
Zortzi orri eta komunitate bat
'Egunkaria' zenak duela 30 urte kaleratu zuen 'Nafarkaria' gehigarriaren lehen zenbakia. 11 urte iraun zuen bidea hasi zuen Nafarroako gehigarriak 1991ko abenduaren 6an. 2002ko uztailaren 26koa izan zuen azken zenbakia, UPNren gobernuak diru laguntza kendu eta gero, ezin izan zuelako eutsi.
Ebakuntza gelarik gabe
Bidasoko Ospitaleko ebakuntza gelak hemezortzi hilabetez itxiko dituzte berritzeko. Han artatzen dituzte Bortzirietako herritarrak, eta haserrea eragin die erabakiak.
Elbarrientzako BSR Navarra saskibaloi taldea sortu dute
Kluba legez eratu eta gero, kanpaina hasi dute parte hartu nahi dutenek izena eman dezaten. Laguntza bila ari dira, otsailean lanean hasteko
Txinan jaiotako nafarrak
Nafarroako Txinatarren Elkarteak eta Nafarroako Gobernuak kanpaina bat hasi dute, herrialdean bizi diren txinatarren komunitatearen berri zabaltzeko. "Elkar ezagutzea" da helburua. 1970eko hamarkadan erroldatu ziren lehen txinatarrak Nafarroan; egun, 1.900 bizi dira.
Ez dute amore eman nahi
Muskildaren inguruko azken sententziak Otsagabiko herritarren haserrea eragin du, Elizaren alde egin baitu. Udalak helegitea jarriko du, baseliza herriarena dela iritzita.
Cirmautok kaleratu eginen ditu langileak, hilaren 11 eta 15a bitartean
30 langile daude lantaldean. Greba hasi zuten azaroaren 4an, baina enpresak ixtea erabaki zuen berehala. Cirmautoko agintariek prozesuan izandako jarrera salatu du ELAk
Izua betikotzeko zigor erantsia
Nafarroako Gobernuak 'Expolio y castigo' argitaratu du, Cesar Laianak frankismoaren jazarpen ekonomikoari buruz idatzitako liburua. Historialariak nabarmendu du erregimenak araudi zehatz bat sortu zuela etsaitzat zeuzkanen ondasunak eskuratu eta haiek zigortu eta beldurtzeko.
Ikasle euskaldun eleaniztunak
Euskaltzaindiak XXVI. Jagon jardunaldia egin du Iruñean, euskarak hezkuntzan duen egoera ardatz hartuta. Eleaniztasuna kudeatzeko bideak landu dituzte, besteak beste.
Adinekoen Aldeko Itunak hutsean utzi nahi du arrakala digitala
Iruñeko Donibane auzoko hamaika eragilek bat egin dute egitasmoan. Zaharrei gailu elektronikoak erabiltzen irakastea da haien asmoa