Ingalaterran zelarik faltan sumatutakotik, artelanak sortu ditu Aitziber Iragik. Lehenbiziko erakusketa ondu du horiek bilduta: 'Nomadak'. Irurtzungo Pikuxar Euskal Etxean da ikusgai, maiatzaren bukaerara arte.

Nafarroaren Eguna ospatuko dute bihar Baigorrin, pandemiagatik bi urtez bertan behera gelditu eta gero. Jendea "elkartzeko gogoz" dela erran du Maider Luro Basaizea elkarteko lehendakariak.

Dantza ikuskizun berri bat taularatu du joan den astean Led Silhouette konpainiak: 'Los perros'. Bi dantzari oholtza gainean; Martxel Rodriguez horietako bat. Maitasuna, fideltasuna eta denbora giltzarri dira obran.

Ekainaren 24an eginen dute Arizkun Rock, eta, pixkanaka, antolatzaileak ari dira aurtengo aldiari buruzko xehetasunak argitzen. Asteon kaleratu dute kartela: lau talde ariko dira oholtza gainean.

Nafar Ateneoaren poesia saria irabazi du Lierni Azkargortak, 'Iruntzian' lanagatik. Ohi denez, elkarteak zehaztu zuen sariketako obrek oinarrian eduki beharreko gaia: aurten, 'ama'. Askotariko ertzez idatzi du idazleak.

Osasungoa Euskalduntzeko Erakundeak 31. osasun jardunaldiak antolatu ditu berriki, Atarrabian, Euskarabidearen laguntzarekin. Euskarazko osasungintzaren arnasgune izan dira hitzorduok.

Prostituzioan aritzen diren emakumeei buruzko film labur bat zuzendu du Isa Saez Perezek: 'Chicas prepago'. Testigantza errealak ibili ditu. Ez du helburu epai bat ematea, "eztabaidarako aletxo bat jartzea" baizik.

Gorosti elkarteak ornitologia ikastaroa antolatu du aurten ere. Bihar dute lehenbiziko ateraldia, Sorogainen, eta beste bost izanen dituzte ondotik. Aurreikuspena egin du Deanek: "120 espezie inguru ikusten ahalko da"

Adinekoak Krisiaren Kontra plataformak protesta egin zuen iragan astean. Arrakala digitalaren eta finantza bazterkeriaren aurka egin zuten oihu, suminez. Diez Diazena zen ahots horietako bat.

Nafarroako Gobernuak Carlota Ziganda golf jokalariari eman dio 2021eko kirolari onenaren saria. Ultzamarrak garaipen mordoa izan zuen iaz; ordea, ez da asebete oraindik: "Gehiago nahi dut".