CHEko buruen agerraldia eskatu du Uxue Barkosek

Uxue Barkos Geroa Baiko diputatuak Xavier de Pedro Ebroko Ur Konfederazioko presidenteak Esako urtegiko eskuin hegaleko mugimenduen berri eman dezala eskatu du. Barkosen irudiko, ezinbestekoa da Ebroko Ur Konfederazioak azaltzea “lur irristaketa zein modutan gertatu den eta zein neurri hartuko dituen konfederazioak inguruko herritarren segurtasuna bermatzeko”. Geroa Baiko kideak kritikatu du urtegia handitzeko lanak ez datozela bat egungo egoera ekonomikoarekin, eta bestelako alternatiba ekonomikoagoak badirela ohartarazi du. Bestalde, galdetu du Mariano Rajoyk zuzentzen duen gobernuak zergatik duen urtegia handitzeko horrenbesteko presa.