Aralar Zaindu Dezagun plataformako kideek agerraldi bat eginen dute martxoaren 12an, Irurtzunen, Nedgya enpresak Aralarren egin nahi duen gasbidearen proiektua salatzeko. Herritarrak mobilizatzera deitu dituzte, auzibidea bukatu eta gero; martxoaren 25ean manifestazio bat eginen dute Lekunberrin.
Erronkaribarko ikertzaile talde batek ibar horretako harzolak erregistratu ditu. Lamiñarra argitaletxeak liburu batean jaso du lan hori, Nafarroako Unibertsitateko Euskal Hizkuntza eta Kultur Katedraren babesarekin.
Nafarroako Trenaren Alde plataformak tren publiko eta sozial baterako bere proposamena aurkeztu du Nafarroako Parlamentuan. Egungo trenbidea "egokituta eta hobetuta", AHTak duen aurrekontua %45 murriztuko luke.
Eva Ugal eta Samara Jimenez ama-alabek elkarretaratze batean Iruñeko denda batean jasandako eraso arrazista salatu dute. "Lapurtzat hartu gaituzte ijitoak garelako". Dendako arduradunen eta polizien tratua kritikatu dute. Ijitoen aurkako jarrerak "normalizatzeari" uzteko eskatu dute.
E. Elizondo
Iruñeko Alde Zaharreko La Majari ijito elkarteko kidea da Yolanda Amador (Iruñea, 1966). Ijitoek euren aurkako zenbait eraso "normalizatu" dituztela azaldu du, eta badela dinamika hori apurtzeko garaia.Ijitoen aurkako bertze eraso bat sal...
2021. urtearen bukaeran sortu zuten BSR Navarra saskibaloi taldea, desgaitasun fisikoren bat dutenei kirola egiteko aukera eskaintzeko asmoz. Dozena bat jokalarik bat egin dute jada; NUPeko pabiloian entrenatzen dira, Iruñean. Ipar Liga sortu dute, bertze lau talderekin batera, trebatzen jarraitzeko.
Noaingo Faktorian lanean ari da, irailetik, zentro koreografiko horretako ikasleen bosgarren belaunaldia. Marta Coronadok, Laida Aldazek eta Carmen Larrazek jarri zuten proiektua martxan, 2019an, herrialdeko dantza garaikideari astindu bat emateko. Pedagogia eta sorkuntza dituzte ikur.
Iruñeko Zabalguneko Zabalsanche auzo elkarteak ez du bat egin Iruñeko Udalak Gurutzeko plazan lur azpiko aparkaleku bat egiteko duen asmoarekin. Elkarteko kideek urtebete daramate lanean, Zabalguneko auzokideen arteko sarea ehuntzeko.
Lehen arretaren egoerari buruzko kezka ez da oraingo kontua; arazoak okerrera egin du zenbait tokitan, ordea, eta gora egin du osasungintzako profesionalen eta herritarren haserreak. Bortzirietan, adibidez, pediatrarik ez dute, eta dagozkien zazpi mediku eta erdietatik lau bertzerik ez daude lanean.
Lesakako Lehen Arretarako Osasun Eremuko zuzendari izan da Ruth Gonzalez zazpi urtez. Dimisioa eman berri du, Osasun Departamentuko agintariengan konfiantza galdu duelako. Bortzirietako egoera salatu du.