Iruñeko Baluarte auditoriumak hogei urte bete ditu. 2003. urteko urrian inauguratu zutenean, UPNko Miguel Sanz zen Nafarroako lehendakaria. Anitzek kezka zuten benetako kulturgune bizia izanen ote zen. Urteotan izan duen garapenaz mintzatu dira kulturaren arloko zenbait kide.
Mahatsa biltzen ari dira Nafarroan, joan den abuztuaren erditik. Inoiz baino lehen hasi da aurtengo kanpaina, beroaren eta lehortearen eraginez. Erriberriko Unsi upategian atzo ekin zioten mahatsa biltzeko lanari. Garnatxa bertzerik ez dute, ardo zuriak eta beltzak egiteko.
Olaia Inziarteren bakarkako lehen lanak herriz herri eta etxez etxe zabaldu ditu haren ahotsa eta hitzak. 'Lehengo lepotikan burua' diskoak eman diona bere egiten ari da.
Otsagabiko Udalak herriko Koleto etxea erosi eta moldatu du, bisitariak hartzeko. Eraikina 1786. urtekoa da, eta barruan dauden altzari eta apaingarri gehienak, berriz, 1920koak. Pirinioetako sukalde tradizional bat ere badu, tximinia handi batekin; gisa horretako bakarrenetakoa da.
Hasi ditu Oses enpresak Iruñeko Zangoza karrikako lur azpiko aparkalekua egiteko obrak. Proiektu horren aurkako plataformak gogor salatu du Iruñeko Udaleko agintarien jarrera, "ingurumenari eta bizilagunei kalte" eginen dien azpiegitura bat sustatzeagatik. Lanak gelditzeko exijitu diote alkateari.
Baztandarren Biltzarra elkartea desagertu zen iazko abenduan, eta kolokan gelditu zen, ondorioz, aurtengo besta. Elkartean ziren herritar batzuek bilera batera deitu zituzten herritarrak otsailean, biltzarra antolatzen saiatzeko: lortu dute "berpiztea", eta igandean hirurogei urte beteko ditu.
Aktore profesionalak izateko asmorik izan gabe antzerkia ikasteko grina dutenei espazio bat eskaintzeko sortu zen Iruñeko Butaca 78 Eserlekua antzerki eskola. Duela hamar urte ireki zuten; eta, iaz, kamera aurreko interpretazioa lantzeko ikastaro bat gehitu zuten, eskolako eskaintza zabaltze aldera.
Maskaren bidez pertsonaiak sortzeko teknikak landuko ditu Patxi Larreak Butaka 78 Eserlekua antzerki eskolako udako ikastaroetan: "Xedea da pertsonaia identifikatzea eta bizitza ematea".
Sanferminak hasiko dira ostegunean, eta, bestekin batera, zezenketak ere izanen dira berriz Iruñean. Gero eta gehiago dira zezenketen kontrako jarrera hartzen duten herritarrak: elkarretaratze bat egin zuten larunbatean, eta bihar manifestaziora deitu dute. Plazan zezenak bakarrik dira; kanpoan, ez.
Inge Diez antropologoak Itoizko urtegiak azpian hartutako herrien inguruan egin du gradu amaierako lana. Artozki utzi beharrak herri horretako bizilagunengan utzitako arrastoa ikertu du, zehazki. Diezek adin eta sexu ezberdinetako zenbait herritar elkarrizketatu ditu.