Ijitoen kontrako diskriminazioaren biktima izan da Amador: Lizarrako denda batek ukatu egin dio praktikak egiteko aukera, abizenak zein dituen ikusitakoan. Eraso arrazistatzat jo du hark.

Berriz ireki dituzte emakumeari buruzko liburutegi eta dokumentazio zentroaren ateak. Iruñeko Alde Zaharra utzi, eta Emakumeen Etxera mugitu da zentroa, zabalgunera. "Ilusioz" egin dute lekualdaketa.

Gorritxoek ezin izan dute nahi bezala ospatu klubaren mendeurrena, eta pena hori betiko geratu zaio kapitainari. Zaleen babesa berriz sentitzeko irrikan dira, taldeak Sadarren falta duelako.

Iruñeko Txantrea auzoan sortutako Bizi Tajine egitasmoak sukaldaritza marokoarra nork bere etxean dastatzeko aukera ematen du. Abenduan emanen dute zerbitzua; Zarouali da sukaldaria.

Collageek, bolumenek eta intuitiboki landutako geruzek osatzen dituzte, batik bat, Baldaren obrak. Hamabost piezako erakusketa bat estreinatu du berriki, Lizarran: 'Denbora sekuentzia'.

Iruñeko Udalak eten egin du auzoetan haur eta nerabeekin lan egiten duten prebentzio taldeen kontratua. Erabakiaren ondorioz, egungo zortzi taldeek etorkizun iluna dute; kinka larrian daude.

Duela urte eta erdi lotu zitzaion Yasmine Khris Maansri frantziarra euskararen bideari. Hizkuntza ikasi eta euskaraz bizitzeko hautua egin zuen Euskal Herrira iritsi zenean. 'Ahobizi' izanen da Euskaraldian.

Euskal Herriko emakume sozialisten sare gisa sortu zuten Itaia, duela bi urte; antolatzeko urratsa egin dute orain sareko parte hartzaileek, eta eskualdeka hasi dira taldeak osatzen. Iruñerrikoan ari da Paula Diaz.

Atxukarro Estombak historiako emakumeak izan ditu mintzagai Euskalerria Irratian eginiko kolaborazioetan, 2018tik. Berriki, liburu bat argitaratu du horiek guztiak jasotzeko: 'Gizalabak'.

Enpresako zuzendaritzak hiru hilabetez atzeratuko du Castejongo lantegia ixteko erabakia, trenbide merkatuan kontratu batzuk lortzeko aukera ikusita. Langileek ABEEtan segituko dute.