Ia hogei urteko bidea egina du Yarleku Nafarroako antzerki konpainiak. 2003an ekin zion bideari David Lainez zuzendariak, gizarte gaiekin eta hezkuntzarekin zuen konpromisoa oholtzetara eramateko asmoz. Bira bat hasi behar du konpainiak orain, eta ikuskizun berri bat du estreinatzeko.
Nafarroako Gobernuak hitzaldi sorta bat antolatu du suizidioaren auziaz hitz egiteko eta gaia erdigunean jartzeko. Tuteran egin dute lehenengoa, eta azarora bitarte bertze bost izanen dira, Lizarran, Elizondon, Zangozan, Tafallan eta Iruñean.
Margoek hartu dute Uharte, berriz ere: Cantamañanas arte urbanoko jaialdia egin dute, hemeretzigarrenez. Herri osoa bilakatu da grafiti eta mural egileen euskarri, jaialdia lehenengoz egin zutenetik. Artiston lanak 65 mural inguruko ibilbidea osatu du herrian.
NAK Nafarroako Musika Garaikideko Jaialdia abian da, Iruñean, irailaren 17ra bitarte. Zortzigarren aldia du aurtengoa, eta 'Mitotik logosera' izenburupean antolatu dute. Garaikideak kolektiboak sustatu du NAK proiektua, hausnarketa, eraldaketa eta ikerketa bultzatzeko asmoz.
Julian Elvirak 'Icarus' lana aurkeztuko du bihar, Baluarten, NAK Nafarroako Musika Garaikideko Jaialdiaren barruan. Berak sortutako pronomo flauta ekarriko du, bertze zenbait tresna bereziren artean.
Galizian jaio, baina Tutera du etxe Txaro Berzosak, 9 urte zituenetik. Ekintzaile feminista da, lesbiana, LGTBI mugimenduko kidea, eta artista, zentzurik zabalenean.
Sakanako Osasun Publikoaren Aldeko Plataformak protesta eginen du abuztuko astelehenetan, Altsasuko osasun etxerako konponbide bat exijitzeko. Altsasuko, Ziordiko eta Olatzagutiko herritarrak artatzen ditu, eta sendagileak falta direla salatu dute.
CCOO sindikatuak Lan Ikuskaritzara jo du, eta administrazioari eskatu dio enpresa iker dezala. Anbulantzien egoera "txarra" dela erantsi dute
Corellako Udalak herriko sarrerako monumentu frankista eraitsi nahi du, baina Abokatu Kristauek helegitea jarri dute, eta auzia epaileen esku da orain.
Baztandarren Biltzarra ospatuko dute igandean, Elizondon, pandemiagatik bi urtez bertan behera utzi eta gero. Antolatzaileek "ohiko" besta moldeari eutsi diote, eta orgen desfilea eta bazkaria izanen dira ekitaldi nagusiak. Ohartarazi dute elkarteak jende berria behar duela baztandarren besta antolatzen segitzeko.