Suteek hagitz gogor jo dute Nafarroa, eta 14.500 hektarea inguru utzi dituzte kiskalita. San Martin Unx da suak inguratutako herrietako bat. Etxerik ez dute galdu, baina izua bazter uztea ez da erraza izaten ari herriko biztanleentzat. Suhiltzaileek, berriz, baliabiderik eza salatu dute.
Arguedasko Sendaviva zoologikoa hustu behar izan zuten. Han itxita bizi diren 800 animalietatik hamabi hil dira, "estresagatik"
Lantxotegi elkarteak Kabia proiektua abiatuko du uztailean; helburua da zubi lana egitea, 18 eta 30 urte bitarteko gazte migratzaileen eta herrialdean jaiotakoen arteko harremanak garatzeko. Arduradunek herritarrei eskatu diete gogoeta egin dezatela, Nafarroa "benetako" harrera herrialde bilakatu dadin.
Abiatu dute Pirinioez Haraindiko Elkartasun Elkarte Sozialaren mendi martxa, zortzigarrenez. Bazterketari aurre egitea du xede. Katalunia, Aragoi eta Euskal Herriko 150 gaztek parte hartuko dute.
Beti Onak Ohorezko Mailan ariko da. Duela bederatzi urte Itxako desagertu zenetik, ez da izan herrialdeko ordezkaririk eskubaloiaren maila nagusian. Beti Onak-eko kapitain Olaia Luzuriaga eta Itxakoko kapitain ohi Andrea Barno lortutakoaz aritu dira.
Altsasuko Iñigo Aritza ikastolak 50. urteurrena ospatzeko besta eginen du hilaren 18an, herrian. Guraso talde batek gela bat ireki zuen Olatzagutian 1969an, eta hori izan zen Altsasun mende erdiz garatu duten proiektuaren oinarria. Altsasu, Olatzagutia, Urdiain eta Arbizuko 307 ikasle ditu.
Castillo Suarez
Haritzak hazten diren lekuan bizi gara Haritzak hazten diren lekuan bizi gara.Lur hauetan erakutsi diogu elkarriidazten, zenbatzen, amets egiten eta maitatzen.Auzoa zaintzen. Bizitza nola joan den ikus daiteke[hariztiaren bazterretatik...
Geltokik GizArte proiektua sortu du, kulturaren konpromiso soziala nabarmentzeko, eta artearen bidez elkartasuna lantzeko. Hemezortzi artistak lan bana eman dute, salgai jarri eta lortutako diruarekin Paris 365 jantoki soziala laguntzeko. Urtero eginen dute, aldi bakoitzean eragile bat babesteko.
Urtxintxa Txoko zirku eskola jaio da, Antsoainen. Gunearen sortzaile Almazanek dio ikasteko espazio bat izateaz gain helburu duela zirkuari beste begirada bat eskaintzea eta komunitatea sortzea: "Zirkuak espazio bat behar du Nafarroan".
Ipes elkarteak feminismo 'queer'-ari buruzko saio bat egin du Iruñean. Gracia Trujillo, Nerea Barjola eta Irantzu Varela aritu dira. Zapalkuntza ardatz oro kontuan hartuko dituen feminismo baten alde egin dute, eta gogor salatu dituzte sektore batzuen "gorroto mezuak" trans pertsonen aurka.