Udalak 2019ko ekainaren 15ean osatu ziren; legegintzaldiaren erdia joan da. Krisiak baldintzatu du azken urtea, baina, birusak ezarritako mugen gainetik, alkateek aurrera egin dute. Kargu horretan estreinakoz ari dira Faltzes, Zangoza eta Tafallakoak; bigarren aldia du Zizur Nagusikoak
Ados sortu dute, eskuzko pilotari emakumezkoen lehen klub profesionala. Bide bat egin nahi dute kantxan exijitzen dieten maila emateko baliabideak izateko. Gaur hasiko dute Plazaz Plaza binakako txapelketa, Leitzan.
Itoizko urtegiak kalte egindako udalerriei ordainak ematea aztertuko dute Nafarroako Parlamentuan. 1993an hasi zituzten lanak, eta 2008an burutu zuten betetzeko prozesua. Geroztik, urpean dira eraitsitako zazpi herriak; urtegiak baldintzatuta, berriz, zutik diren bertze zenbait.
Pandemiak gogor jo du kulturaren arloa oro har, eta, zehazki, musikarena. Egungo jokalekuak agerian utzi ditu, gainera, sektoreak aurretik zituen arazoak. Halere, zailtasunak aukera bilakatzeko gai izan dira musikariak, teknikariak, enpresak eta irabazi asmorik gabeko erakundeak, eta bat egin dute Musikaren Nafarroako Elkartean.
Iruñeko Udalak antolatutako Egile Berriendako Literatur Lehiaketak 30 urte bete ditu; liburu batean jaso dituzte 2020ko irabazleen lanak, tartean Saioa Alkaiza Guallar, Sarai Robles Vitas eta Julio Soto Ezkurdiaren testuak. Jendaurrean aurkeztu dute, Iruñean.
E. Elizondo
Iñaki Azkonak (Iruñea, 1956) Iruñeko Udaleko teknikari lanetan eman ditu 34 urte, 1984an zerbitzua martxan jarri zenetik erretiroa hartu arte. Egile berriendako lehiaketaren sorreran parte hartu zuen.Zer asmoz antolatu zenuten?Plangintza...
Maite Hernandez, Unai Beroiz eta Ivan Benitez fotokazetari nafarrek arrazakeriaren aurkako mezu garbi bat zabaldu dute, Nafarroako Gobernuak antolatutako mahai inguru batean. Migrazio prozesuei egin diete so beren lanen bidez: Siriakoari, Mediterraneokoari eta AEBetakoari, bertzeak bertze.
Maria Lizarraga eta Iñigo Gutierrez euskal presoen alaba Izadi Valentziako Picassent herriko espetxean jaio zen, 2019ko urtarrilean. Hiru urterekin kartzelatik atera beharko du. Madrilen dago orain, gurasoekin. Iazko martxotik ezin izan da karrikara atera.
Espetxeaz mintzatu dira Ikerne Indakoetxea, Xochitl Karasatorre eta Maite Laborda, nor bere ikuspuntutik. Emakumeek barruan eta kanpoan betetzen duten "funtsezko" rolaz hitz egin dute.
Tafallako Berdesia elkartea herritar talde batek sortu zuen, 2016an. 130 bazkide baino gehiago ditu egun. Lortu dute ingurumenarekiko beren kezka klima aldaketari aurre egiteko eta iraunkortasuna sustatzeko egitasmo integral bilakatzea: herria inguratuko duen basoa osatzen ari dira, auzolanean.