Ijito Herriaren Nazioarteko Eguna da apirilaren 8a, eta Iruñeko ijitoek Argaren ibaiertzean ospatu zuten: loreen zeremonia egin zuten, euren herriaren diaspora oroitzeko. Apirilak badu bertze egun nabarmenik, hala ere, herrialdeko ijitoentzat: Gaz Kalo federazioak Nafar Ijitoen Eguna ospatu zuen atzo.
Arteak, naturak eta zientziak bat egiten duten eremuan sortutako ekinaldi bat da Arbola, "zuhaitzen kultura ospatu" nahi duen jaialdia. Labea laborategiak sortu du, eta Iruñean eginen dute, apirilaren 25etik 30era. Klima krisiak behartutako egungo trantsizio garaiari erantzun bat eman nahi dio.
Leo Bueriberi ekintzaile antirrazistak "ekiteko" eskatu dio mugimendu feministari, Iruñean antolatutako mahai inguru batean: "Elkarlanak joan-etorriko bide bat izan behar du".
Arrazakeriaren Aurkako Kontseilua sortuko dute, politika publikoak garatzeko. Araudiak gizarteko esparru guztietan eragitea nahi dute
Castejongo, Tafallako, Oltza zendeako, Uharte Arakilgo eta Berriozarko udalburuek manifestu bat sinatu eta aurkeztu dute. Tren sozial eta publiko baten alde egin dute bostek
Nafarroako hainbat herritako, kontzejutako eta landa garapenerako elkartetako ordezkariek lan saio bat egin dute Iruñean, jendegabetzeari aurre egiteko bideak lantzeko. San Martin Unxeko esperientzia hartu dute oinarri. Nafarroako Gobernuak, gainera, herrien husteari aurre egiteko estrategia aurkeztu du.
Sei emakumek Asenna Nafarroako Endometriosi Elkartea sortu dute, eritasun horren berri emateko. Salatu dute oraindik ere gaixotasun "ikusezin" bat dela, eta zalantzan jartzen dela sufritzen dutenen hitza.
Iruñeko Haritu etxebizitza sindikatuak eta bertze zenbait kolektibok manifestazio bat antolatu dute, etxebizitzaren egoera salatzeko. Maiatzaren 13an eginen dute, Iruñean. Erdigunean jarri nahi dituzte etxe bat alokatzeko dauden zailtasunak; umeak dituzten andre arrazializatuek dute arazo gehien.
Harrotu zerbitzuak Iruñeko Udaleko LGTBIfobiaren Aurkako Behatokiaren txostena argitaratu du: urtebetean, erasoen 26 salaketa jaso ditu. Harrotuko kide Erika Salvatierrak esan du "gizarte osoak" inplikatu behar duela gertatzen diren erasoei aurre egiteko, bazterketa oro bazter uzteko asmoz.
Psikologoak LGTBI kolektiboaren eta osasun mentalaren arteko heldulekuak jorratu ditu, Iruñean antolatutako hitzaldi batean