Mendigorria izanen da eskolan D eredua ezarriko duen hamalaugarren herria, eremu euskaldunetik kanpo. Herriko gurasoen ahaleginari esker lortu dute, euskaraz ikasteko aukera ez baita Nafarroa osoan bermatua, oraindik ere, ustez legeak horretarako bidea ematen duen arren.
Zurbano eta Astrain aldi berean kirolari eta emakume izatearen argi-ilunez mintzatu dira. Ibilbidean egindako urratsak azaldu dituzte, baita "arrakalak" salatu ere.
Ana Ibañezek eta Dani Martirenak elkarrekin ondutako laugarren liburua plazaratu dute: 'Amonarenean kea'. Errezeta bati lotutako irudiak dira oroitzapenen inguruko testuaren oinarri.
'Bizipenak eta testigantzak. Konfinamenduaren eragina eta ondorioak Nafarroako emakumeengan' izenburuko lana egin du Sara Ibarrolak. Nafarroako Berdintasunerako Institutuak eskatutako "ikerketa kualitatiboa" da, eta itxialdian "lehen lerroan" izan diren andreen hitzak jaso ditu.
Trapuketariek Raimundo Lanas karrikako egoitza itxi dute, eta beste bat zabaldu Miguel Izako 12.ean. Bi pertsona ari dira dendan lanean. Berriozarren, Burlatan, Lizarran eta Iruñean ere badaude
Leitzako Amazabal institutuko gurasoek salatu dute Hezkuntza Departamentuak jangelako zerbitzua bertan behera utzi nahi duela. Zentro horrek Leitzako eta Araitz, Arano, Areso, Betelu, Goizueta, Larraun eta Lekunberriko ikasleak hartzen ditu.
Alfredo Murillo eta Patxi Aldunate Cabeza de Artista dira. Izen horrekin sinatzen dituzte elkarrekin sortutako artelanak: '20 20' fanzinea da azkena. Hogei idazlek eta hogei artista plastikok 2020ari buruz egindako gogoetak jaso dituzte, 20x20ko argitalpen batean.
Juan Larretak esklerosi anizkoitza du; ondorioz, desgaitasunen bat dutenentzako txartela dagokio, haientzat gordetako tokietan aparkatzeko. Sareak baliatzen ditu agerian uzteko leku horiek baimenik gabe erabiltzen dituztenen "kontzientziarik eza".
Sephorako langileek 2020ko otsailean hasitako protestari eutsi diote, eta greban daude oraindik ere, lan baldintza duinak exijitzeko. Orain arte, multinazionalak ez du urratsik egin langileekin hitz egiteko.
Arbizuko bizilagunen eta agintarien nekeak goia jo du, eta urrats bat egin dute aurrera, Agotzaina enpresak herriko ibaira egindako isurketak salatzeko: udalak Nafarroako Gobernura jo du, eta ikerketa jarri dute abian; herritarrek, berriz, Leziza Bizirik plataforma sortu dute, "presioa" egiteko.