Noaingo Faktorian lanean ari da, irailetik, zentro koreografiko horretako ikasleen bosgarren belaunaldia. Marta Coronadok, Laida Aldazek eta Carmen Larrazek jarri zuten proiektua martxan, 2019an, herrialdeko dantza garaikideari astindu bat emateko. Pedagogia eta sorkuntza dituzte ikur.
Iruñeko Zabalguneko Zabalsanche auzo elkarteak ez du bat egin Iruñeko Udalak Gurutzeko plazan lur azpiko aparkaleku bat egiteko duen asmoarekin. Elkarteko kideek urtebete daramate lanean, Zabalguneko auzokideen arteko sarea ehuntzeko.
Lehen arretaren egoerari buruzko kezka ez da oraingo kontua; arazoak okerrera egin du zenbait tokitan, ordea, eta gora egin du osasungintzako profesionalen eta herritarren haserreak. Bortzirietan, adibidez, pediatrarik ez dute, eta dagozkien zazpi mediku eta erdietatik lau bertzerik ez daude lanean.
Lesakako Lehen Arretarako Osasun Eremuko zuzendari izan da Ruth Gonzalez zazpi urtez. Dimisioa eman berri du, Osasun Departamentuko agintariengan konfiantza galdu duelako. Bortzirietako egoera salatu du.
Pirinioetan lehendabizi, eta Kantauriar mendikatean gero: hartzen eta otsoen bila ibiltzen da Joserra Amoros mendian. Maisu eta alkate izan da behatzaile arantzarra.
Osasuna Memoria taldeak Iruñeko Club Natacion kirol elkarteko zenbait kidek 1936ko kolpe militarraren ondorioz sufritu zuten errepresioa jorratu du. Errepublikazaleak ziren, eta gizartea eraldatzen saiatu ziren, kirolaren bidez. Haietako bat zen Isidro Sarasate; tximinia batean ezkutatu zen.
Iruñeko Paris 365 jantoki sozialaren zenbait erabiltzailek futbol talde bat osatu dute, zelaian eta handik at eragiteko asmoz. Karrika izan dute anitzek etxe, baloia jotzeko oinetakoak jantzi dituzten arte. Kirolak helduleku bat eskaini die aurrera egiteko bidean.
Epaileek ebatzi dute Glovoren banatzaileak soldatapekoak direla. Pablo Anton da auzitara jo duten langileetako bat. Ontzat jo du ebazpena, baina salatu du enpresak legea urratzen segitzen duela: "Glovo sortu zutenak epai ditzatela".
Glovo etxeak Glovo Express sortu zuen, 'rider'-en legea onartu eta gero. Nafarroan, David Moreno da (CCOO) etxe horretako langileen ordezkaria. Hitzarmen duin bat eskatu du.
Nafarroako Toki Entitateetako Berdintasun Teknikarien Sareko kideak Nafarroako Parlamentuan izan dira, euren egoeraren berri emateko: postu gehienen egonkortasunik eza salatu dute, eta agerian utzi "diru laguntzen menpe" daudela. Legea bete dezatela galdegin diete erakundeei.